بۇل تۋرالى Qamshy.kz اقپارات اگەنتتىگى ق ر ءسىم باسپا ءسوز قىزمەتى دەرەگىنە سۇيەنە وتىرىپ حابارلايدى.
رەسمي مالىمەت بويىنشا، اتالعان شارا اياسىندا پولشاعا وتاندىق SCAT اۋەكومپانياسىنىڭ ارنايى چارتەرلىك رەيسى جىبەرىلگەن.
«بۇگىن، كوروناۆيرۋس پاندەمياسى اياسىندا الەمدەگى قولايسىز جاعدايعا بايلانىستى وتانداستارىمىزدى قازاقستانعا قايتارۋ بويىنشا قابىلدانىپ جاتقان شارالار اياسىندا، پولشاعا وتاندىق SCAT اۋەكومپانياسىنىڭ ارنايى چارتەرلىك رەيسى جىبەرىلدى»، - دەلىنگەن ق ر ءسىم باسپا ءسوز قىزمەتى تاراتقان مالىمەتىندە.
وسىلايشا، بىرنەشە كۇن بويى ەلگە ۇشۋدى سارىلا كۇتكەن 207 قازاقستاندىق ەلگە ورالعان.
«ديپلوماتتارىمىزدىڭ، يندۋستريا جانە ينفراقۇرىلىمدىق دامۋ مينيسترلىگى قىزمەتكەرلەرىنىڭ، سونداي-اق جەرگىلىكتى بيلىك پەن قازاقستاندىق اۋەكومپانيا وكىلدەرىنىڭ ۇيلەسىمدى جۇمىسى ناتيجەسىندە ۇشۋىن بىرنەشە كۇن بويى كۇتىپ وتىرعان 207 جولاۋشى قازاقستانعا ءساتتى ورالدى. جولاۋشىلاردىڭ باسىم بولىگى ەۋروپادا وقيتىن قازاقستاندىق ستۋدەنتتەر. كۇندىز-تۇنى ەڭبەك ەتىپ، دەنساۋلىعىنا ءتونىپ تۇرعان قاتەرگە قاراماستان وتانداستارىن رۋحاني توزىمدىلىكتىڭ ۇلگىسىمەن سەرگىتكەنى ءۇشىن ءبىزدىڭ ۆارشاۆاداعى ارىپتەستەرىمىزگە العىسىمىزدى بىلدىرەمىز»، دەلىنگەن حابارلامادا.
پىكىر قالدىرۋ